Kaixo talde, Lehengo egunean artikulu hau irakurtzen aritu nintzen, eta eztabaida interesgarria izan daitekeela uste dut. Nola ikusten duzue zuek etorkizuna rolean? Liburuak gutxiago salduko direla uste duzue? Online formatuak, eta erabileragatik ordaintzearen estrategiak arrakasta izango du?
Ba uste det bai geografikoki eta baita jolasteko moduan, rol jokoak bi martxa oso ezberdinetan mugitzen direla. Mundu anglosajoian bai ikusten dudala hau etorkizun hurbila bezala. Hemen, esango nuke jokalari gehienak oraindik mahai baten bueltan jolasten dugula (edo hori da nire pertzepzioa gutxienez!)
Bestalde, askotan, rol jokalari berriak ezagutzean, konturatu naiz zaletasun hau duten askok (edo gehienek, berriz ere Cibeles iturriaren arabera) sektore edo industriatik erabat at daudela. 2005ean Dnd 3.5 edizioa erosi zuten eta ordutik hona liburu berdinarekin ibili dira jolasean. Jende horri bost axola zaizkie RAAS, edizio berriak edo PBTA eta OSRen arteko eztabaidak.
Industria nik ustet baietz, horrerantz doala. AEBtan dudarik gabe eta hona ziur nago iritsiko dela. Orain, zaletasun bezala nik ustet jolasteko beste modu asko daudela eta hauek ez direla desagertuko.
Zaila egiten zait ulertzea rola subskripzio zerbitzu bezala. Ez diot zentzurik aurkitzen. Iruditzen zait eskeini dezaketen zerbitzuak gero beti lana eskatzen diola maizterrari prestaketa aldetik, ez da zuzenean jolasten duzun zerbait, aurretik partida ondo prestatu beharra daukazu. Eta horrek nolabait inbalidatzen du zuzeneko subskripzioa ere. Bale, belaunaldi berriei begira dago hori jarrita, online jolasteko. Roll20n partidamoloiak prest jarriko dizkizute, ados. Baina berdin berdin sor dezakezu material hori beste plataforma batean. Eta gaur egun hainbeste fan material dago hain ona, edonorrentzat eskuragarri… Subskripzioa ordaintzen duenak soilik izango duela material ofiziala eskuragarri? Ez zait iruditzen autentizitatea bilatzeko joera dagoenik rolean, argitaletxe ofizialaren canon liburuak bilatzearena. Rolean hain da normala mahai bakoitzak bere moduan jokatuko duela, ez diodala zentzutik ikusten horri ere. Hemen zaharruno baten iritzi zaharrunoa.
Kaixo! Zuekin bat nator. Hala ere uste dut, DnD eta frankizia handiak gero eta diru gehiago lortzeko asmoarekin dabiltzala, eta hain ezagunak diren joko horiek, nolabait “ixteko” filosofia dago. Rol munduan “ixte” hori zaila ikusten dut, eman dituzuen arrazoiengatik, baina gerta liteke etorkizuneko rolarien zati handi bat online jolasten ibiltzea, eta orduan bai zentzu pixka bat ikusten diot jokaldiari. Online beti duzu zure programa ixteko aukera, ordainpekoari dado “hobeak” eskaintzea, FX hobeak, etab. Nik RAAS puntu hortan pakarrik ikusiko nuke, modu oso komertzialean, eta ia bideojoko motara doazen partida-kanpainetan. Noski, hor puntu zailena gidariak lortzea litzateke hortarako, baina nork daki… agian etorkizunean AAk gidatutako partidak jolasten ibiliko da jendea!! ;)
