Kaixo! Lemmy.eus v0.17.3 bertsiora eguneratu dugu. Proba dezakezu ea orain komunitateen edukiak agertzen zaizkizun?

v0.17.2 bertsioan hizkuntza etiketak sartu zituzten garatzaileek, hau da, bidalketa eta iruzkinak ze hizkuntzatan dauden etiketatzeko aukera. Uste dut 0.17.2 baino bertsio zaharragoetan sortutako bidalketa eta iruzkinek ez dutela hizkuntza etiketarik, eta horregatik ez zitzaizkizula agertzen. Erabiltzaile anonimo bezala bai agertzen zirela, erabiltzailerik ez izatean hizkuntza ezarpenik ere ez zeneukalako.

v0.17.3 bertsioan zehaztu gabeko hizkuntza duten bidalketa eta iruzkinak modu lehenetsian erakustea sartu dute. Horrekin arazoa konpondu dela esango nuke.