15 urte iheslari, eta 10 gartzelan. Zure bikotea beti hor. Eusten, babesa ematen, bisitetan. Behin baino gehiagotan esan zenion: aske zela, bilatzeko beste norbait. Baina zurekin fidel mantentzea erabaki zuen. Atera zarenean, izugarri eskertzen diozu urte guzti horietan zurekin egon izana. Baina jada ez zarete pertsona berak. 25 urte eta gero, zahartu zarete, bai zu eta bai bera. Asko maite duzu, baina jada ez zaitu erakartzen. Bizitzen hasi zara. Beste pertsona bat ezagutu duzu. Harekin zoaz. Zeinek du errua? Inork ba al du errurik?

Pilatutako liburu asko dituzu? Noizbait irakurri nahi dituzu? Euskaraz gehiago irakurri nahi duzu? Ez daukazu zer irakurri eta inspirazio bila ari zara? Bada, Paperjale.eus zuretzat da. Paperjale.eus jaio da: librea, soziala eta federatua. Liburuez eta literaturaz euskaraz aritzeko lekua. Fedibertsoaren parte den BookWyrm instantzia bat da. Hemen instantzia gehiago: https://joinbookwyrm.com/eu/instances/

Mastodonen erabiltzaile aktiboak hirukoiztu egin dira azken hilabeteetan eta euskal Mastodon komunitatea indartsu dabil.

Aldaketa nagusiak: - **Hizkuntza etiketak**: Bidalketa eta iruzkinak ze hizkuntzatan dauden etiketatzeko aukera. Etiketa hauek edukia iragazteko erabili daitezke. Instantzia eta komunitateek onartutako hizkuntzak zehaztu ditzakete. Etorkizunean itzulpen tresnak integratzeko aukera emango du. - **Iruzkin zuhaitzak**: Lemmyk iruzkinak gordetzen dituen modua aldatu da, bistaratutako iruzkinak sakonera maximo bat arte mugatu ahal izateko. - **Nabarmendutako bidalketak eta iruzkinak**: Administratzaileek eta moderatzaileek bidalketak nabarmendu ditzakete hasierako orriaren edo komunitateen goiko aldean. Moderatzaileek iruzkinak ere nabarmendu ditzakete bidalketetan. - **Federazioa** - Orain arte komunitateak soilik jarraitu zitezkeen Fedibertsoko beste plataformetatik, baina bertsio berri honetan Lemmyko erabiltzaileak ere jarraitu daitezke, adibidez, Mastodonetik. - Botoak pribatu bezala federatzen dira. Horri esker beste plataformetan ez da agertuko nork eman dion botoa bidalketa bati. Lemmyk Mastodoneko botoak kontuan hartzen ditu (gogokoak). - Pleromarekin bateragarritasuna hobetu da. - Federazioaren logika liburutegi batera atera dute garatzaileek. Software librea denez beste proiektuetan ere erabili ahal izango dute, gurpila berriz asmatzen ibili gabe. - **Aldaketa gehiago** - Bidalketa bakoitzean irakurri gabeko iruzkin kopurua bistaratzen da. - Lemmyk automatikoki kapsulatzen ditu PeerTube, YouTube eta Opengraph atributua eskaintzen duten beste webguneetako edukiak. - Mezu pribatuak salatu daitezke. Ezaugarri berri eta zuzenketa gehiago daude. Zerrenda osoa Lemmyren Githubeko orrian irakur dezakezue, ingelesez. Berrikuntza gehienak v0.17.0 bertsioan daude: https://github.com/LemmyNet/lemmy/blob/main/RELEASES.md#lemmy-v0170-release-2023-01-31 v0.17.1 eta v0.17.2 zuzenketak egiteko atera dituzte garatzaileek: https://github.com/LemmyNet/lemmy/blob/main/RELEASES.md#lemmy-v0171-release-2023-02-03 https://github.com/LemmyNet/lemmy/blob/main/RELEASES.md#lemmy-v0172-release-2023-02-22

Larunbatean lehen aldiz izan naiz swinger lokal batean. Neskalagunak bere garaian izan zuen bezala (hura hirugarrenez zetorren), nire lehen aldi honen ostean "aje emozionala" izan dut, baita ere. Alegia: swing gauean jendearekin bizi izandakoa berbizitzen, gogoratzen, bergozatzen. Atzo, kotxea gidatzen nenbilela, kontuz ibili behar izan nintzen, arreta nahi gabe hara joaten baizitzaidan, errepidetik aldenduz! Labur esanda: 23:45ak aldera iritsi ginen. Trago bat hartu eta gero, neskalaguna eta biok gela ilunera sartu ginen, larrua jotzera; handik gutxira ondoan beste bikote bat jarri zitzaigun; ari zirela, gurekin "nahastea" proposatu genien, eta baietz; neska-mutil konbinazio guztiak probatu genituen (lauron oniritziz, eta baimena eskatu eta gero, han ez baita inor nahi ez duenik egitera derrigortzen). Esperientzia ederra benetan. Haiek etxera joan zirenean, gu beste trago bat hartzera joan ginen barrara; behin indarrak berreskuratuta, ohe handi komunen ondoko eserlekuetara joan ginen, begira egotera. Giroa ona zenez, leku bat libre ikusi genuenean gu ere sartzea pentsatu genuen. Beste ekitalditxo bat egin genuen gure artean; eta ni ahitu xamar nengoenez (gizonezkoen eta emakumezkoen sexu ahalmena ezberdina baita!) ondoko hirukote bati begira jarri ginen. Neskalagunak oraindik gogoa zuenez, haiengana hurreratu ginen; eta haietako batekin enrollatu zen, ni ondoan nengoela. Gozamena izan zen niretzat haiei begira, eta batzuetan ferekan aritzea. Amaitu zutenean, neskalaguna eta biok beste une goxo batean elkarrekin izan ginen, tragoa amaitzen ari ginela. Giro atsegina zegoen; maitaleak gero eta aseago, umore ona zen nagusi; batzuk bere roilora zihoazten, baina beste batzuk ohe erraldoiaren punta batetik bestera brometan ere izan ginen. 04:00etatik aurrera maitaleak alde egiten hasi zirenean (05:00etan ixten dute) hura gero eta hutsago zegoen eta guk ere etxera egitea pentsatu genuen. Presarik gabe, eta giro onean -bertako ugazabak ere atseginak eta etxekoak bezala dira, herri txikietako tabernako jabeen estilokoak- dutxatzeko astia hartu genuen, hurrengora arte agurtuz (ni behintzat luze gabe itzuliko bainaiz). Goizaldeko txoriak kantuan hasi zirela atera ginen, ilea bustirik eta garbi usainarekin; kiroldegitik atera berriak ginela ematen zuen! Zelako esperientzia o-na. Bereziki, tolerantzia eta juzkurik-ezezko giroa gustatu zitzaidan. Han ez baitago estandar estetikorik bete beharrik, denak dira ongi etorriak: gazte, zahar, lodi eta argal. Bistan denez, denak ez zaizkizu gustatuko; baina alderantziz ere gertatuko da (zu ez zara denen gustuko izango). Halere, fitxak sartzea zilegi den bezala, ezetza jasotzea ere berdin, eta ez da dramarik hor; gainera, beti dago gela ilunaren aukera - dena da errazagoa han-.

Iturria: [Aitor](https://mastodon.jalgi.eus/@AVU_Osoro/109927632463369226)

Aurten, maiatzaren 27an, WordPress software libreak 20 urte beteko ditu. Blogak eta antzeko webguneak egiteko erabiltzen da eta bere esparruan erabiliena da. Hain da arrakastatsua Interneten dauden webguneen % 42a WordPress-ekin egina dela. **Librezale** taldeak bere muina eta hedapen erabilienak euskaratzen ditu. Software hau garatzen duen Automattic enpresak webgune hau sortu du urteurrena ospatzeko: https://wp20.wordpress.net/ **Zorionak** mundu osoan zehar barreiatuta dagoen WordPress komunitate zabal eta biziari! 💖

 Duela hiru hilabete inguru argitaratu zuen **Ben Brown**ek ***[shuttlecraft](https://shuttlecraft.net)***, ActivityPub zerbitzari (zerbitzarirako software) pertsonal bat. Zerbitzari gehienek pertsona taldeak ostatatzeko helburua dute (adibidez **Mastodon**). Eta egon badauden arren baliabide gutxiago behar duten erabiltzaile gutxi batzuentzako zerbitzariak (**GoToSocial** esaterako), Shuttlecraft desberdina da, pertsona bakarrarentzat delako derrigorrez: domeinu bat = erabiltzaile bat. Oraindik hastapenetan dago eta oinarrizko ekintzak burutu daitezkeen arren, ezin da multimediarik igo (bai ordea irudiak ikusi) eta ez da erabiltzeko erosoa ez baitago Shuttlecraftekin bateragarria den aplikaziorik (lanean ari dira konpontzeko). Norberak bere zerbitzarian edo VPS batean instala dezake, baina Ben Brownek *[glitch](https://glitch.com/)* plataformarako ere prestatu du, inolako ezagutzarik gabe bi minututan martxan jartzea ahalbidetzen duena. Jakina, *glitch* erraza eta doakoa den arren, ez da deszentralizatua; edo hobe esanda guztiok erabiliko bagenu ez genuke deszentralizazioak muinean defendatzen duen *single point of failure* ekiditea lortuko. Baina ***[Wildebeest](https://github.com/cloudflare/wildebeest)*** ekin alderatuta erabat doakoa da (Wildebeestek 5 euro kobratuko dizkigu hilabetero irudiak ostatatzeko azpiegituraren truke, eta domeinuaren prezioa gehitu behar zaio). *Glitch*ek hilero 1000 konputazio-ordu emango dizkigu kreditu txartelaren zenbakiak eskatu gabe. Ordu gehiago erabili nahiko bagenitu proiektu bat baino gehiago dugulako —744 ordu dute 31 eguneko hilabeteek— ordaindu beharko genuke. Proiektuak mugimendurik ez duela somatzen duenean, lozorroan sartu eta horrela geratzen da guk zerbitzaria berriro erabili arte. Eguneko ordu guztietan esna egotea behar badugu, ordaindu beharko genuke. *glitch*ek azpidomeinu bat emango digu ere. Norberaren domeinua erabiltzeko modua omen dago baina nik ez dut asmatu.  Demagun honek guztiak ez zaituela gogogabetu eta instalatu nahi duzula. 1. [Ben Brownen proiektuaren biltegi](https://github.com/benbrown/shuttlecraft)ko [estekan sakatu](https://glitch.com/edit/#!/import/github/benbrown/shuttlecraft) baino ez duzu. 2. *glitch* irekiko zaigu, proiektuarekin. Lehenik eta behin proiektuaren izena aldatu behar dugu [*Settings > Edit project details*], hori izango delako azpidomeinuaren helbidea eta gure *nortasuna*. 3. Ondoren *.env* fitxategia moldatu lau eremu gehitzeko: - USERNAME - PASS - DOMAIN - PORT Hots, erabiltzaile izena, pasahitza, domeinua (proiektuaren izenarekin bat etorri behar dena) eta ataka (hutsik). Hori da guztia.  Gure orrialdea bisitatzeko eta bidalketak argitaratzeko gure helbidera joan beharko gara: nik-zer-dakit.glitch.me/private eta lehen sortutako erabiltzaile eta pasahitzarekin sartu. Abatarra eta goiburuko irudia aldatzeko: 1. *Assets* dioen menuan igo fitxategiak [*upload an asset*]. Bertan agertuko dira eta euren gainean klik eginez gero, esteka luze bat ikusiko dugu, arbelera kopiatu beharko duguna. 2. Ireki *glitch*eko terminala (leihoaren behealdean dago) eta idatzi: `nano .data/account.json` 3. Teklatuko geziak erabiliz nabigatu `actor > icon > url` eta `actor > image > url` dioten kateetara. 4. URL hori arbelera kopiatu dugunarekin ordezkatu behar dugu. Lehenengoa abatarrerako da eta bigarrena goiburuko irudirako. 5. Sakatu `ctl + o` aldaketak idazteko, ondoren *intro* aldaketak baieztatzeko, eta azkenik `ctl + x` editoretik irteteko 6. Badaezpada idatzi `refresh` eta sakatu *intro* terminalean. Kitto. ~~Ba omen dago biografia idazteko aukera, baina nik *bio*, *note*, *description* eta *about*ekin saiatu naiz eta ez dut lortu.~~ **eguneraketa:** biografia idazteko *summary* izeneko eremua gehitu behar da `.data/account.json` fitxategian. Nik *"preferredUsername":* eremuaren ondoren gehitu dut. Shuttlecraftek interfazean erabiltzen diren emojiak aldatzeko aukera ematen digu eta haratago joan nahi izanez gero, testuak euskaratu ditzakegu fitxategiak aztertuz [alboko menuko *.handlebars fitxategiak]. Kontuan hartu *glitch*en izenik eman ezean proiektua bost egunen buruan ezabatuko dela. **Laburbilduz**, nik ez nuke ActivityPub zerbitzari nagusi gisa erabiliko, baina primerakoa izan daiteke probak egiteko edo esperimentatzeko. *glitch* Stack Overflow webgune ezagunaren bultzatzailea da. Fastly enpresa estatubatuarraren produktuetako bat da, eta oso litekeena da datuak bertako zerbitzarietan gordetzea. *Fastly*k CDN motako zerbitzuak eskaintzen ditu, *CloudFlare*k bezala [Wildebeest gogoratzen?]. Datuen kokapen geografikoa arazo izango ez balitz, edo nik neuk ostatatuko banu ere, funtzio/ezaugarri gutxiegi ditu une honetan beste aukera guztiekin alderatuz. Hala ere interesgarria iruditu zait. 45 Mb inguru RAM memoria behar ditu. Shuttlecraftek MIT lizentzia dauka.

Gaur, [Uhin Ultramoreak podcastari](https://www.eitb.eus/eitbpodkast/jakintza/zientzia/uhin-ultra-moreak/audioak/osoa/9092113/podcast-audioa-07-hedy-lamarr-magdalena-moujan-otano-eta-berenice-abbott-nor-baino-nor-eitb-podkast/) esker, [Magdalena Mouján Otañoren](https://eu.wikipedia.org/wiki/Magdalena_Mouj%C3%A1n) berri izan dut. Euskal jatorriko argentinar matematikaria izan zen, Pedro Mari Otañoren biloba. 1968an *Gora gu ta gutarrak* zientzia fikziozko ipuina idatzi zuen. Mar del Platan egindako Argentinako Zientzia-fikziozko Bigarren Konbentzioan lehen saria lortu zuen. 1970.ean Nueva Dimensión espainiar aldizkariaren 14. aleak ipuina argitaratu zuen. Lehen zentsura pasa arren, Ordena Publikoko Auzitegiak alea erretiratzeko agindua eman zuen, Moujánen lanak Manuel Fragaren Prentsa Legearen bigarren artikuluaren kontrakoa omen zelako. Fiskal bereziaren esanetan, Gu ta gutarrak Espainiako batasunaren aurkakoa zen. Aldizkariak ipuina kendu zuen eta epaiketa bertan behera geratu zen. Hala ere, nazioarteko fandomen ika-mika handia eragin zuen eta ipuina frantsesez, alemanez, suedieraz, finlandieraz eta ingelesez argitaratu zuten. 1979an aldizkariak egilearen iraina garbitu nahian, kontaketa argitu zuen. https://eu.wikipedia.org/wiki/Gu_ta_gutarrak_(ipuina) Jatorrizkoa gazteleraz: https://bemonline.wordpress.com/2010/07/19/437/ Xalbador Garmendiaren euskarazko itzulpena [PDF] http://www.zizurkil.eus/barrena/libros/10-Gu%20ta%20gutarrak-EUS.pdf Ana Galarragak euskaraz irakurria Xerezaderen Artxiboa podcastean, Ana Moralesen sarrerarekin: https://xerezade.org/irakurketa/gu-eta-gutarrak

Google-ek bertako langileak trebatzeko erabitzen duen Rust ikastaroa argitaratu du GitHub-en. Lau eguneko iraupena dauka da, Rust-ekin esperientziarik ez duten pertsonentzako zuzenduta dagoen arren, programazio ezagutzak edukitzea gomendatzen da, batez ere C++ eta Javan. Doakoa da eta Apache lizentziapean argitaratuta dago.

Israel 1948an independizatu zen Britainia Handitik, duela 75 urte. Informazio gehiago: https://eu.wikipedia.org/wiki/Israel-Palestina_Gatazka

Raspberry Pi 3 B+ batean Transmission, torrent bezeroa, ta Jellyfin, ikusentzunezkoentzako plataforma/webgunea, nola prest jarri azalduko det hemen. ## 1 MicroSD txartelan Raspbian sistema idatzi. [Hemen](https://www.raspbian.org/RaspbianImages) deskargatu det ta MultiWriter programakin idatzi det; noski, beste ordenagailu batean sartuta txartela.  ## 2 Txartela atera ta Raspberryan sartu. HDMIz pantaila batera konektatu, sare-kable batez sarera, teklatu bat atxiki ta behintzat 2.0 A-ko USB kargagailu batekin elikatu. Pantailan agertzen diren konfigurazioei jarraitu, teklatu-aldaera aukeratzeko; gero, erabiltzaile-izena eta pasahitza sortu. Sartu `sudo raspi-config` eta bertan, `3 Interface Options` > `I2 SSH` gaitu, SSH bidez gailura konektatu ahal izateko. ## 3 Etxeko sarean IP finkoa ezartzeko, gida hau jarraitu: https://www.luisllamas.es/raspberry-pi-ip-estatica/ `sudo nano /etc/dhcpcd.conf` eta hau gehitu. **Adi** hirugarren zenbakia 1 dela: ``` # Kable bidezkoa interface eth0 static ip_address=192.168.1.200/24 static routers=192.168.1.1 static domain_name_servers=192.168.1.1 8.8.8.8 # WiFi bidezkoa interface wlan0 static ip_address=192.168.1.200/24 static routers=192.168.1.1 static domain_name_servers=192.168.1.1 8.8.8.8 ``` Gero `sudo reboot` eta ongi gorde den egiaztatzeko, `ifconfig eth0` 192.168.1.**200** helbidea eman beharko luke. ## 4 SSHz konektatu: `ssh erabiltzailea@192.168.1.200` Pasahitza sartu eta aurrera. Bertan, WiFia gaituko degu. Horretarako: `sudo raspi-config` eta `1 System Options` > `S1 Wireless LAN`, eta bertan kredentzialak sartu.  > SSID WiFiaren izena da Orain WiFiak funtzionatu beharko luke, eta gainera lehen ezarritako helbidean. Hori ikusteko: `ifconfig wlan0` ## 5 Sistema eguneratu eta beharrezkoa instalatu: sudo apt update sudo apt upgrade sudo apt install docker docker-compose ## 6 Erabiltzailea docker taldean gehitu, gida honi jarraiki: https://docs.docker.com/engine/install/linux-postinstall/ ``` sudo usermod -aG docker zure_erabiltzailea sudo reboot ``` ## 7 Berriz SSHz konektatu 4. urratsean azaldu bezala. Disko gogor bat muntatuko degu, deskargatutakoak eta beste datuak bertan gordetzeko. >Disko gogorrak ext4 formatuan egon behar du. Horretarako gida honi jarraitu: https://raspberrypi-guide.github.io/filesharing/mounting-external-drive > _/mnt/**exdisk**_ ordez _/mnt/**elements**_ deitu diot nik. Behin diskoa muntatuta, beharrezko karpetak sortu eta baimenak eman: ``` mkdir jellymission/downloads/{books,movies,music,photos,shows} mkdir jellymission/jelly mkdir jellymission/trans/{config,watch} cd .. sudo chgrp docker elements/ sudo chmod g+rwx elements/ ``` ## 8 Orain *docker-compose* bat sortuko dugu; bertan nahi ditugun programak nahi ditugun kokalekuetan jarriko ditugu, dena agindu bakar batez pizteko. `sudo nano docker-compose.yml` Eduki hau gehitu: ``` version: "2.1" services: transmission: image: lscr.io/linuxserver/transmission:latest container_name: transmission environment: - PUID=1000 - PGID=1000 - TZ=Europe/Madrid #- TRANSMISSION_WEB_HOME=/combustion-release/ #optional #- USER=username #optional #- PASS=password #optional #- WHITELIST=iplist #optional #- PEERPORT=peerport #optional #- HOST_WHITELIST=dnsname list #optional volumes: - /mnt/elements/jellymission/trans/config:/config - /mnt/elements/jellymission/downloads:/downloads - /mnt/elements/jellymission/trans/watch:/watch ports: - 9091:9091 - 51413:51413 - 51413:51413/udp restart: unless-stopped jellyfin: image: lscr.io/linuxserver/jellyfin:latest container_name: jellyfin environment: - PUID=1000 - PGID=1000 - TZ=Europe/Madrid #- JELLYFIN_PublishedServerUrl=192.168.0.5 #optional volumes: - /mnt/elements/jellymission/jelly:/config - /mnt/elements/jellymission/downloads/shows:/shows - /mnt/elements/jellymission/downloads/movies:/movies - /mnt/elements/jellymission/downloads/music:/music - /mnt/elements/jellymission/downloads/books:/books - /mnt/elements/jellymission/downloads/photos:/photos ports: - 8096:8096 - 8920:8920 #optional - 7359:7359/udp #optional - 1900:1900/udp #optional restart: unless-stopped ``` Orain docker-a martxan jarri: `docker-compose up -d` ## Et voilà!  Hemendik aurrera web bidez konfiguratzea da kontua

Gure kaleetako hizkuntza-paisaian euskara presente egotea garrantzitsua den bezala, Fedibertsoko kontuak eta ikurrak batean eta bestean bistaratuz ikusgaitasuna lortzen lagunduko dugu. Tutorial labur honetan Wikipediako artikuluetan Mastodoneko kontuak nola bistaratu ikasiko dugu: 1. [Wikidatan](https://www.wikidata.org) dagokion pertsona, talde edo erakundea bilatu. Adibidez, Udako Euskal Unibertsitatea.  2. Adierazpenak atalaren amaierako **+ gehitu adierazpena esteka** sakatu.  3. **Mastodon address** (Mastodon helbidea) adierazpena bilatu eta klik egin.  4. Dagokion Mastodoneko helbidea idatzi, adibidez, **ueu_orokorra@mastodon.eus** eta sakatu **argitaratu**.  5. Wikipediako dagokion orrira joaten bagara, Mastodoneko kontuaren ikonoa infotaularen amaieran agertzen dela ikusiko dugu. 

Kaixo! Olentzerok [128 GBeko USB on bat](https://www.amazon.com/SanDisk-SDCZ880-128G-G46-Extreme-128GB-Solid/dp/B01MU8TZRV) oparitu zidan eta Gabonetako oporretan lan pixka bat egiten ibili gara. Nire linuxero eta, batez ere, katxarrero maila baxurako lorpen handia izan da. Asko ahaldundu gara etxean. Lehenengo [LuberriLinux](https://luberrilinux.eus/) orritik ISO irudia normal deskargatu eta USB arrunt batera pasa nuen. Ordenagailua hortik abiatu, pendrive berria ere sartu, eta instalazioa bertara egin nahi nuen, honela:  Baina EFI partizio horrek zalantza sortzen zidan, edo errorea... total, ez nuela lortzen. Hurrengo proba hau izan zen:  Baina horrek ere (/boot partizioa egin zezan eskatzeak) errorea ematen zidan. Ez dut ohiturarik modu honetan linux instalatzeko, beti esan izan diot "Hustu diskoa eta jarri linux". Hala ere, proba horietako batean instalatzeko esan nion... eta arrakasta! Nire USBa super ondo eta super azkar zebilen. Baina... ai! Ordenagailua puskatu nuen, antza:  Konpontzea erraza izan zen, errorea bilatzaile batean idatzi eta [orri honetan](https://itsfoss.com/fix-minimal-bash-line-editing-supported-grub-error-linux/) proposatzen diren pausoak jarraituta. Zorionez ordenagailua piztu eta bai, pizten zen eta berdin-berdin zegoen. Baina, hara, orain USBa ez zebilen!! Gero ulertu nuen zer gertatu zen (eskerrik asko Eder!). Instalatzerakoan USBa seinalatu arren (ondo egin nuen ere ez dakit seguru), batzuetan ordenagailu barruko abioa detektatzen du eta instalazioa hori erabiliz gertatzen da. Horregatik zebilen USBa, baina ordenagailua ez. Eta gero ordenagailua bai, baina USBa jadanik ez. Modu seguruena, ojo cuidao, ordenagailua ireki eta disko gogorra kenduta dagoelarik instalazioa egitea omen da. Zailtasun bakarra gure beldurra zelarik, torloju txikiak kendu, teklatua altxatu, kable pare bat askatu... eta nirekin urteak daraman ordenagailua barrutik ezagutu genuen! Tutorial [honek](https://www.youtube.com/watch?v=p2ecgiAljeo) lagundu zigun.  Eta "for safety" bateria kendu ondoren disko gogorra ere askatu genion:  Jarraian berriro erdi-montatu, USBak sartu eta batetik bestera instalazioa egiteko pausoak erraz jarraitu:  Bukatzean itzali, ordenagailuari berriro bere disko gogorra jarri eta listo! Ordenagailua ondo dabil, eta pintxoa ere bai! Jadanik probatu dut nire anaiaren, lagun baten, bikotearen eta eskolako bi ordenagailutan.  Besteen ordenagailua pintxotik arrankatzen bakarrik jakin behar dut, ez dut ordenagailu pertsonalik behar! Nahiz eta gero USB honekin gutxitan lan egin, ez dakit zergatik baina zirraragarria iruditzen zait hau posible izatea. OHARRA: datozen egunetan pintxoan Nextcloud bezeroa jarriko dut, lan guztiak sinkroniza daitezen, bestela USBa galtzen badut akabo.

Urtarrilaren 1ean, urtero bezala, gizarte berdinzaleago eta aberatsago batean bizi gara, jabetza publikoaren egunari esker. Zer da hori? Zer gertatzen da urtarrilaren 1 guztietan?

#euzkaras

Egilea: https://pixelfed.social/mastomememakers https://pixelfed.social/p/mastomememakers/497715214942433773

Kaixo guztioi: Komunikazio honekin, Abaraska taldearen 2022 urteko memoria publiko egin nahi dugu, gure datu ekonomikoak eta lanak gardentasunez erakutsiz. ### Diru sarrerak: - 14 pertsona babesle, guztira ekarpenak (2022-12-12 arte): 799,09 € **Guztira: 799,09 €** ### Gastuak: - Domeinuak: (aurreko urtetik ordainduta, berritzea 2023ko kontabilitatean) - Zumaiako disko gogorrak: 129,15 € - Ostalariak: 0€  * Peertube Zumaian dago, Gaueko kooperatibako kide ohiek utzitako makinan. * Lemmy eta kaixo.lemmy.eus ere Zumaiara pasa ditugu. Momentuz beraien babeskopia beste urtebetez ordainduta dago VPS batean. * Pixelfed Urtziren etxeko makinan dago. * Pixelfed domeinua 20,99 € + epostak 30€ * Fiare banku etikoko txartela: 15 € * Fiare transferentzia komisioak: 1 € * Liberapay bidezko donazioetan komisio zentimoak (Stripe) ez dira kontuan hartzen. Adib: 50 euroko ekarpena egiten badigute 49.05 € iristen zaizkigu. Bigarren hori kontatu da donazio gisa. **Guztira: 196,14 €** ### Balantzea: 799,09 - 196,14 = **602,95 €** ### Egindako lanak (aipagarrienak): - ___Lemmy.eus___ webgunea mantendu (2020an sortu genuen). - Bazkidetza kanpaina bat aurrera eraman genuen, proiektu berrietan sartu aurretik. - Zumaian ostalari berria martxan jarri genuen hainbat norbanako eta eragileren laguntzarekin. - ___Pixelfed.eus___ webgunea eta bere sortzailea (Urtzai) Abaraskara batu ziren. - ___Peertube.eus___ webgunea sortu, ezagutarazi, moderatu eta mantendu. - Komunikazio lanak: * Hitzaldiak, elkarrizketak, artikuluak, albisteak... fedibertsoari buruz eta Abaraskak eskainitako tresnei buruz. * Sare sozialak dinamizatu (Mastodon eta Twitter), guk mantendutako tresnak eta orokorrean fedibertso euskaldunaren erabilera sustatuz eta ezagutzera emanez. * Memoria hau egin eta zabaldu. ### Eskertzak: Eskerrik asko proiektu berrietan sartu aurretik gugan sinetsi eta babesle izateko konpromisoa hartu duten pertsonei. Eskerrik asko eskaintzen ditugun zerbitzuetan erabiltzailea sortu eta edukiz aberasteagatik. Jendeak ematen dien erabileraren araberakoa izango da beren balioa.      ### Babesle izan nahi duzu? Uneren batean Abaraska taldea babestu nahi duzula erabakitzen baduzu, bete galdetegi hau mesedez eta harremanetan jarriko gara: [https://erabili.liberaforms.org/babestuabaraska](https://erabili.liberaforms.org/babestuabaraska) ### Etorkizuneko asmoak: ... ... ... Zer eskatzen du herriak?

Arraioa! Nola ez nintzen ni honekin enteratua? ;-) Gainera, bilaketa txiki bat eginez, ikusi dut nahiko sarri egiten direla, Bilbo aldean behintzat. Kontuan hartzekoa.

Atzo bertan maitemina ta maitasunan arteko aldeaz hitzeiten ibili giñan, ta batek argudiatze zun maitemina "mina eragiten dun maitasuna" dala, alegia: maite+min Nik zalantza haundiak ditut "min" gehigarri horrek "oinaze" esanahia dakan, hitz gehiotan agertze baita: lagunmin ta eskumin, kasu. Ba al daki norbaitek "min" gehigarri hoi nundik datorren ta ze esanahi dakan? Euskaltzaindiak "Adiskideez-eta mintzatuz, lotura estukoa, barru-barrukoa" esanahia ere emate dio "min" hitzai.

Kaixo! Kosta zaio iristea, baina hemen dago 2022ko azaroko Software Libre Jaiaren akta. Oraingoan Gasteizen egin genuen, [BioAlai](https://www.bioalai.org/eu/) izeneko bazkide kooperatibaren lokalean. Produktu ekologikoak saltzen dituen supermerkatua da eta beraien lokaleko eremu soziala erabiltzen utzi ziguten.  Lehen saioa larunbat goizez egin genuen, gaztelaniaz, eta hiru bazkide etorri ziren beraien zalantzak argitzera: Elena: hurrengo baterako ordenagailuari Linux jartzea zer den ulertu zuen, eta bitartean trantsizioak egiten hasteko Photoshop beharrean Gimp gehiago erabiltzen hasiko dela esan zuen (dagoeneko ezagutzen zuen; Libreoffice ere erabiltzen du dagoeneko). Blanca: bere mac ordenagailu eramangarri zaharra ekarri zigun. USB batekin Ubuntu probatu genuen live moduan, baina wifi-a zebilenik ikusten ez genuenez, instalazioa oraingoan ez egitea erabaki genuen, badaezpada ere. John: ordenagailuan Ubuntu eta mugikorrean Ubuntu Touch zeuzkala erakutsi zigun. Bien arteko sinkronizazioa hobetu nahi zuen, baina ez genuen denborarik izan. Irudi dezake gutxi egin genuela, baina adin nagusiko hiru pertsona hurbildu eta zenbat hitz egin eta ikasi genuen kontuan hartuta, saio ederra izan zen. Bigarren saioa asteazken arratsaldez egin genuen, euskaraz. Izaskun etorri zen bere ordenagailu eramangarriarekin. Dagoeneko bazeukan Manjaro, lagun batek instalatu baitzion, baina zalantza ugari zeuzkan. Honako aurrerapausoak eman genituen: - Abioko programa batzuk kendu genituen eta berak ikasi zuen nola konfiguratu. - Ohartu ginen deskribatzen zituen arazo batzuen kausa seguru aski tekla zikinak zirela (ordenagailua bera bakarrik etengabe zerbait egiten hastea). - Bilatzailea Google-rena beharrean beste bat jartzen irakatsi genion. - Ordua gaizki konfiguratuta zeukan, konponduta utzi genuen. - Ordenagailuari kasurik ez egitean zer egin behar duen zehazteko energia kudeatzeilea erabiltzen ikasi genuen. - Mugikorreko aplikazio iragarpenak kentzen saiatu ginen, ez genuen lortu. - Fdroid eta Aurora instalatu genizkion, aplikazioak bertatik instalatzeko aukera izateko. - Elhuyar hiztegiaren aplikazioa deskargatu genuen.

Plantnet aplikazioaren email bat jaso nuen donazio eske, eta beraien lan onen artean ez zegoen software librearen edo biltzen dituzten argazkien lizentzia librearen inguruko mezurik. Propaganda gisa esateko modukoa izango zenez, suposatu nuen ez dutela ildo horretan lan txukunik egiten. Eta hau erantzun nion emailari: _Is the Plantnet app free software? Are pictures you collect given a publick domain or copyleft license? I don´t see that kind of words in your email. I think all big projects like yours should be managed like Wikipedia, Wikimedia... do. Maybe you already do?_ Bada, erantzuna jaso dut (erantzuna jasotzea bera pozgarria da) eta begira zer esan didaten: _Hi, The app is free indeed, supported by donation and research institutes. The data generated are mostly cc-by-sa. We are a small consortium though._ Erabiltzaileek aukera dutela irudiak CC lizentzia batekin jartzeko bai, baina aplikazioak zein lizentzia daukan ez dut aurkitu. Norbaitek honi buruz hausnartu izan badu, bota komentarioren bat! Gustatuko zait ikastea. Momentuz behintzat Plantnet erabiltzeko eta donazioa egiteko gogoa jarri zait.

Artikulu honetan Mastodon instantziak administratzen dituztenei jakitea ondo etor dakiekeen komando batzuk azaltzen dira: - `media remove` - `preview_cards remove` - `cache recount` - `statuses remove` - `cache clear` - `media remove-orphans` - `emoji purge` - `accounts cull`

Marrakatua orain Mastodonen dago eta bertan ikusi dut bere mezu [hau](https://mastodon.eus/@marrakatue/109372389291805750). Bikaina iruditu zait!! Lehendik ezagutzen nuen beste [hau](https://lemmy.eus/post/87923), oso ona baita ere 😅

Mastodon.eus-eko **Tfe** erabiltzaileak aholku interesgarri hau partekatu du.

[Gancio](https://gancio.org/) softwarea ("Gantxo" ahoskatzen da) agenda partekatuak sortzeko erabiltzen da eta fedibertsotik jarraitu daiteke. Bertan egin daitekeen eragiketa garrantzitsuenetako bat ekitaldi bat argitaratzea da. Bideo honetan hori nola egin azaltzen da.

Mastodon erabiltzeko oso erosoa da Fedilab. Bideo honetan Fedilab aplikazioa ezagutuko duzu, baina baita Mastodon ulertu ere: zer den denbora-lerro lokala, globala, beste instantziak...

Bideo honetan azaltzen da nola instalatu [F-Droid](https://f-droid.org/). Aplikazio bat da eta internetetik deskargatzen da. Ondoren "denda" modukoa da, aplikazio libreak instalatzeko balio duena. Playstore modukoa alegia.

Bideo honetan azaltzen den bezala, Mastodonen zure instantziakoa ez den norbait bilatu eta jarraitu dezakezu. Hori mugikorretarako Fedilab aplikazioarekin nola egin erakusten da.

Bideo labur honetan [OBS](https://obsproject.com/) programarekin bideo tutorialak nola ekoizten ahal diren ikasi ahalko duzue. Hasiberrientzat pentsatua izan da eta zinez oinarri bat izateko baino ez du balio. Etorkizunean gauza konplexuagoak ikusteko eta ikasteko parada izango duzue.

Egin beharra zegoen eta norbaitek egin du 🤣 Iturria, klopetx: https://mastodon.eus/@klopetx/109348796560271203

"sorioneku"