Audioliburuak
!audioliburuak
help-circle
rss


Atari hau gomendatu berri didate, ez dut ondo ezagutzen, baina hemen partekatzen dut, berari buruzko zalantzak argitu edo elkarri gomendioak egiteko: [Audiobook Bay (ABB)](http://audiobookbay.nl/)
2

2017an jarri zen abian [Podcastak.eus](https://podcastak.eus/) proiektua, euskarazko podcastak biltzen dituen webgunea. Webgune honek era beran podcast propio bat du eta bertan euskal podcastingaz aritzen da Egoitz Lizaso, gonbidatu bereziekin sarritan. Aupa zuek!!!
4
Podcastak.eus

EITBpodkast
A ze albiste ona, EITB bidez audioak eskuratzeko atari berri hau! Ongi etorri [EITBPodkast](https://www.eitb.eus/eitbpodkast/)!!
3
EITBpodkast

Podcastak, audioliburuak... nahi ditugunean, internet bakarrik dugula asumitu dezakegu. Baina begiratu duzu zure herriko liburutegian? Litekeena da gauza gutxi eta zaharrak egotea, baina batzuk eder-ederrak izango dira... CD euskarrian baldin badaude, norberak ikus dezala ea ordenagailu batean sartuz audio fitxategiei kopia-itsats egiteko aukera dagoen. Mugikorrera pasa eta erosoago entzuteko, kalean goazela-edo. Copyright-a duten lanak baldin badira, ez zabaldu interneten modu traketsean eta listo, arazorik ez.
4
Liburutegian, audioak!

Audioak - zientzia dibulgazioa
Elhuyar fundazioaren eta EITBren eskutik

Pako Eizagirrek [Aittu!]() plazaratzeaz gain, baditu beste audio ezezagunago batzuk Interenetera kargatuta: https://www.podomatic.com/podcasts/aittu

Haur eta gazte literatura. http://etxegiroan.eus/eu/audioak/literatura-euskaraz Literatura.
3

Ezin da kalkulatu Pako Eizagirrek zenbat lan egin duen urte luzez. Bere webgunea erreferentzia da aspalditik irakasle askorentzat. Bereziki umeei bideratuta. Ikertu webgune hau!!
5
Aittu.eus

Jasone Larrinaga eta Ana Morales arduradun direla, aspalditik ari da Xerezaderen Artxiboa fikziozko audioak euskaraz sortzen (Bilbo Hiria irratian). Beharbada ildo honetan lan handiena egin duen proiektua da. Ezagutu beharrekoa!!
4

Bernardo Atxagaren baimenarekin, audioliburu hori grabatu eta Booktegi.eus webgunean argitaratu genuen. Doan deskarga daiteke, baina gustatuz gero Booktegi proiektuari dohaintza egitea gomendagarria da, indartu dadin.
3

Digitalizazioaren sinbiogenesia! Digitalizazioaren gainean hausnartzeko fikzioa erabiltzen duten lizentzia libreko testuak... euskaraz audio formatura egokituta! Eskerrik asko eta zorionak Haritulab!!!
2
Haritulab audioak

Susa argitaletxearen webgunea begiratzeke neukan, aspalditik, eta gaur hasi naiz [audioen atalarekin](http://www.susa-literatura.eus/audioa/) Nobela edo narrazio motzik ez omen dago, poemak bakarrik (oraingoz?). Baina aizu, egileak berak irakurrita sarritan! Poesia gutxi irakurtzen dela entzun izan dut, entzunaldi bat merezi du honek...

ZIRRIBORROAK ETA GERO proiektua ezagutu beharrekoa dela iruditzen zait. Dohainik fabula utopikoak (nahiko optimistak behintzat) sortu eta eskaintzen dituzte punta-puntako idazle eta ilustratzaileek. Audio eta guzti gainera! [Webgunea](https://borradoresdelfuturo.net/fabulak/?lang=eu) badute, baina beharbada entzuteko modu errazena Telegram [kanala](https://t.me/EntzunZirriborroakEtaGero) da.
2

Webgune eta proiektu bikaina da [Booktegi.eus](https://booktegi.eus/index.php). Besteak beste, audio liburuak edo pilulak eskaintzen ditu. Entzun duzu baten bat? Gustatu zaizu? Gomendatu audio zehatzak hemen nahi baduzu!
5
Booktegi.eus

Irratsaioak, podcastak, audio literatura... igotzeko plataforma da Funkwhale. Eta badago instantzia bat euskarazko edukientzat!! Izen ematea irekia dela uste dut.

Kaixo! Nire ustez bi audio liburu mota daude: - Ahots bakarra (izan esatari edo robot). Hauekin liburuak entzuten dira, buruan asko eraiki behar dugu, irakurtzen denean bezala. - Ahots ugari, aktore onak, efektu bereziak, soinu banda... Hauei ere audioliburu deitzen zaie, baina nire ustez film bat entzutea bezala da. Produkzio garestiagoak dira, noski. Lehenengo motakoak gehiago gustatzen zaizkidan arren, bigarren taldekoak egiten dituen Graphic Audio gomendatu nahi nuke: https://www.graphicaudiointernational.net/ Brandon Sanderson idazlearen Mistborn liburu saga entzun nuen, adibidez, eta BIKAINAK iruditu zitzaizkidan.

Euskal Herrian ez dago oso zabalduta (oraindik) audioliburuak entzutea, baina beste hizkuntza batzuetan oso ohikoa da eta gauza eder-ederrak daude! Komunitate honek balio dezake audio gomendagarriak partekatzeko, proiektu berriak sortzeko…

  • 0 users online
  • 1 user / day
  • 3 users / week
  • 2 users / month
  • 1 user / 6 months
  • 20 subscribers
  • 20 Posts
  • 25 Comments
  • Modlog