Thai sukaldaritza
!thaisukaldaritza
help-circle
rss
Pad thai
Tailandiar gastronomiako errezeta zabalduenetakoa da Pad Thai platera. Esango nuke oinarrizko osagaiak arroz tailariniak, tamarindoa, kakahueteak... direla. Gaztelaniaz tutorial fidagarri bat [honako hau](http://www.kwanhomsai.com/autentico-pad-thai-receta/) dela esango nuke, egileak hango jatorria baitu. Nik batez ere bere jarraibideak segi ditut. Prozesua kaotiko samarra egin zait, ohitura faltagatik: gauzak egiteko ordena, zartagin bat beharrean bi, hamaika gopor edo edukiontzi nire inguruan osagai erdi prestatuekin... Baina goxoa atera da azkenean 😂👌 Erabili ditudan osagaien argazkia: ![](https://lemmy.eus/pictrs/image/OEUnNpMB7p.jpg) Eta emaitza: ![](https://lemmy.eus/pictrs/image/U5TxcmjNOE.jpg) Zuk probatu izan duzu? Eta egin? Partekatu esperientzia nahi baduzu!
3
Pad thai

Thai zopa
Thailandiar zopa bat ezagutu genuen jatetxe batean (errezeta tipikoena, uste dut) eta etxean gure aldaera egiten dugu hilean behin. Oso erraza da eta azkar-azkar prestatzen da. Osagaiak prest edukitzea bakarrik behar duzu. Bi pertsonarentzako kopuruak: ![](https://lemmy.eus/pictrs/image/ycOPP7DhcZ.jpg) - Ura (hiru platerkada edo bolkada 😊). - Kaienak (lauzpabost ondoren apartatzeko, bizpairu txikitu eta zoparekin gero jan nahi badira). - Jengibre puska bat (zurituta, gero ez dugu jaten). - Koko ur latatxo bat. - Gatza (ez ahaztu, behar du; paellari botatzen diozun haina) eta pipermin beltza (pixka bat). - Azenarioa eta brokolia (lekak ere bai, garaia denean). Lapikoan egosi hiruzpalau minutuz (barazkiak gutxi egiteko). - Noodle-ak gehitu eta minutu batez irakiten segi (erabiltzen den motaren arabera, gu hauekin konforme gaude). ![](https://lemmy.eus/pictrs/image/wIAW875uiP.jpg) Sua itzali eta gehitu azken osagaiak: - Aparte frijitutako 4 otarrainska (bestela oilasko bularkia ere izan daiteke, dadotan moztuta eta zartaginean frijituta; edo begano egitea, noski). - Piper berde puskak eta txanpiak (biak gordinik, zopa berora gehitu eta listo). ![](https://lemmy.eus/pictrs/image/QaA42BLdTM.jpg) Oharra: kaienak eta jengibrea kendu eta azkar zerbitzatu, bestela guztia gehiegi biguntzen da. Animatu egiten eta on egin dagizuela!
5
Thai zopa

Kaixo! Ingalaterran ezagutu nuen Thai gastronomia eta maitemindu nintzen. Madrilen jatetxe-kate txar batzuk ezagutu nituen eta pena eman zidan. Banbu Box izenekoa bai, oso ona iruditu zitzaigun (Madrilen baita ere). Eta pasa den astean Gasteizen aukera dagoela jakin genuen!! Wasabi jatetxea da (General Álava kalea, 6). Berez japoniarra da, baina Na Thai proiektua abiatu dute lokal berean. Covid kontuak direla eta etxerako eskatu genuen eta "benetako" thai dela iruditu zitzaigun!! Norbaitek ezagutzen du jatetxe gehiago? Datozen egunetan hemen errezeta pare bat jartzen saiatuko naiz, etxean ondo samar ateratzen zaizkigunak. Ondo izan!
2

Tailandiako gastronomia pila bat gustatzen zaigunontzako tokia. Ea elkarrengandik asko ikasten dugun!

  • 0 users online
  • 1 user / day
  • 1 user / week
  • 1 user / month
  • 1 user / 6 months
  • 8 subscribers
  • 3 Posts
  • 6 Comments
  • Modlog