Fedilab, fedibertso osoa zure poltsikoan

Fedilab izeneko aplikazio librea hainbat proiekturekin bateragarria da: Mastodon, Pleroma, Pixelfed, Peertube, GNU Social eta Friendica.

Fedilab aplikazioa hemen lor daiteke besteak beste:

Aplikazio harrigarri honek Mastodon eta Pleroma kudeatzen omen ditu hobekien, baina azkenaldian PixelFed euskarria nabarmen hobetu du. Nik nire Mastodon (mikrobloga), PixelFed (argazkiak) eta Peertube (bideoak) kontuak aplikazio honetatik kudeatzen ditut eta benetan aipatzeko modukoa iruditzen zait. Imajinatu, Twitter, Instagram eta Youtube libreak izango balira, euskarazko interfazea izango balute eta beraien artean bateragarrian izango balira. Ba hori da fedibertsoko egunerokoa! Gauzak izan beharko liratekeen bezala direla sentitzen dut, eroso sentitzen naiz eta korporazio erraldoien algoritmoetan arrapatuta dauden asko iraultza txiki honetara batzea nahi nuke. Badakit ez dela erraza ohiturak aldatzea baina aldaketa honek merezi duela uste dut, sarearen bidez era osasungarriagoan sozializatzeko erak daudela ikusten dut eta bide horretan Fedilab urratsa ematen lagun dezakeela bururatzen zait interfaze sinple eta bakarrarekin gauza asko egitea ahalbidetzen duelako. Animatu probatzera!

Orain Fedilab aplikazioaren pantaila-argazki bat utziko dut hemen, irudiak prestatzeko eta argitaratzeko orduan hainbat aukera dituela erakusteko:

Fedilaben iruzkinak marra urdin horrekin ikusten dira, berdin du zein proiektukoak diren (Mastodon, Pleroma, PixelFed, Friendica…) eta botoi berdinak erabiltzen dituzu proiektu guztietan:

Horrela, instantzia desberdinetan kontuak kudeatzea erosoagoa dela iruditzen zait. Software librearen esparruan ohikoa den aukera zaparradaren aurrean, kontzentrazio eta estandarizazio lan hau onuragarria izan daiteke, batez ere hasiberrientzat. Zer iruditzen zaizu?

Joseba
link
210M

Ea probatzen dudan, interesgarria dirudi. Mila esker informazioagatik!!

@mikelgs
admin
link
1
edit-2
10M

Oso-oso gomendagarria Fedilab, bai!! Orain arte ez nuen probatu argazkiak editatzeko aukera eta interesgarria!!

@mikelgs@pixelfed.eus https://pixelfed.eus/p/mikelgs/264494368541511680

Fedilab aplikazioarekin edizio aukera gehiago daude antza, PixelDroid erabiliz baino. Gainera oso erosoa da Mastodon (edo beste) kontu gehiago logeatuta izan nahi badituzu aplikazio berean.

Fedibertsoa delakoa, puri-purian dago. Astero instantzia berri bat, software edo protokolo bertsio berri bat kaleratzen da eta zerbitzari desberdinek elkarlana ahalbidetzen dutenez, aukerak anitzak dira. Mundu hori gogoko baduzu edo berataz gehiago ikasi edo eztabaidatu nahi baduzu, harpidetu komunitate xume honetara. Ea denon artean abiadura bizian hazten ari den federatutako unibertsoa hobexeago ulertzea lortzen dugun!

Jakin beharreko lehenengo gauza: webgune honek darabilen Lemmy bera, fedibertsoaren osagaietako bat da: https://kaixo.lemmy.eus/#fedibertsoa

  • 0 users online
  • 1 user / day
  • 1 user / week
  • 8 users / month
  • 16 users / 6 months
  • 34 subscribers
  • 43 Posts
  • 78 Comments
  • Modlog