Orain dela gutxi, “La voz de la mesa”-k rol jokuak eta biolentziari buruzko podkasta entzuteko aukera izan dut. Egia esan nahiko galdera interesgarriak agertzen dira bertan, eta gure komunitatean askotan galdetu ditugun gauzak direla esango nuke.

Orain dela aste batzuk nire 6 urteko alaba eta bere lagun bati antolatu nien partidatxoa, abentura klasiko bat. Pare bat PEJ, monstruoren bat, eta nigromante zitala azken etsai bezala. Izugarrizko lekzioa eman zidaten, ze ez zuten karramarro erraldoien aurka borrokatu nahi izan, ezta nigromante maltzurraren dorrean sartu ere egin nahi… berain abentura ez zen jarritako arerio horiek bortizki akabatzea!

Zuek nola ikusten duzue? Zergatik joku gehienek konbate/borroka sistemari hainbeste garrantzia ematen diote? Pentsa al dezakegu borrokarik gabeko joko batean? Zerk erakartzen gaitu hainbeste borroketan ardaztera abenturak?