De Profundis
De Profundis, Michał Oracz-ek sortutako rol jokua da. Bertan jokalariek H.P. Lovecraften munduan murgiltzen dira, eskutitz bidez sortutako narratiba bat erabiliz. Rolariak taldeko kide batzuk, Lemmy komunitateko sarrera hau erabiliko dugu jokorako, gure artean eskutitzak partekatuz.
SPOILER komandoa nola erabili
Beltzez dagoena ez ikutu, lehenengo “spoiler”-a utzi eta bigarrenean nahi duzuena jarri. Gero marra azpian idatzi beharko litzateke eskutitza.
Jokoaren Laburpena
Kaixo, ba ongi etorriak “De Profundis” taldera!
Hementxe sarreratxo bat egin nahiko nuke, Lemmy-ra pasa aurretik. Ondo baderitzozue!
De Profundis irakurri berri dut, eta nire ikuspuntua eta erabakitzeko gauza pare bat partekatu nahi nituzke zuekein.
Hasi aurretik, pdf-a ez baduzue, hementxe dago eskuragarri:
https://cloud.disroot.org/s/SpHgwRKxBAZAbmC
Jokoak “psikodrama” hitza askotan erabiltzen du, nik ulertu dudanagatik inmertsio puntu bat eskatzen digu jokalariei, bakoitzak jakingo du norarte sartu edo ez! :D
Maizterrik gabeko jokoa da, beraz denon artean sortu beharko dugu bai anbientazioa, bai misterioak, ildoak, etab. Gure esku dago dena.
Bi modu daude jolasteko, “Tokiko elkarte” bat egineze edo “Network” batean. Gure kasuan aukera garbia “local Society” izango litzateke, hizkuntzagatik gehienbat. Euskaraz egingo dugulakoan nago, ezta? ;) "Society Sheet "bat egitea gomendatzen da, (68.orrian adibideak daude.) Bertan dato orokorrak egon daitezen, hala nola: ze gai (Convention), ze denboraldian jokatzen den, estiloa, korapiloa zein izango den, ze nolako pertsonaiak izango diren, arau gehigarriak jarriko ditugun (segurtasun arauak…), eta erabiliko diren taulak ere.
**Pertsonaiak aukeratzeko momentuan hiru aukera nagusi daude: **
- Gu geu izatea
- “Call of Cthulhu”-ko ikerlari bat erabiltzea
- Lovecraft-en istorio bateko pertsonaia izatea. Pertsonaiak aukeratzeko momentuan, gomendagarria da pertsonaiak berak izango lukeen informazioa izatea, adibidez, arkeologian doktore bat izan nahi badugu, ba arkeologiari buruz zeozer jakin beharko genuke.
Denbora lerroa: Jokoak bi aukera eskaintzen ditu: 1. Lovecraften istorioen denboraldia 1920 inguru, hyper-Lovecraftian. 2. Gaur egun; hyper realistic Hau denon artean erabaki beharko genuke (nahi ezkero beste denboraldi bat ere izan daiteke) baina autoreak hauek gomendatzen ditu, denontzat ezagunak direnez, errealismo eta egiazkotasuna emateko. Badago aukera ere bi denboraldietan bi pertsonaia desberdinekin jokatzeko, baina… zailtasunak ikusten dizkiot!!
Non kokatzen da? Hau denon artean erabaki beharreko zerbait da, ze herrialdeetan kokatzen den istorioa. Ondo ezagutzen dugun leku bat izan beharko luke, ez dago arazorik ere bakoitzak bere lekuan bizitzeko, eta erabakia agian noiz jolastuko garen jakinda errazagoa zaigu. Gomendioa, hori bai, gure ezagueran dagoen zerbait erabiiltzea da, eta gure errealitatean bertan misterioak aurkitzea.
**Gaia (Convention): ** Zeri buruz edo zeren inguruan jokatzen ari garen denok jakitea garrantzitsua da, ze tematika aukeratu. "De Profundis"en aukerak daude, eta bakoitzari taulatxo bat egokitzen dio, inspirazio bila joan nahi badugu. 57. orrialdetik aurrera. “Cthulhu and weird fiction”, “X-Files”, “History”, “Other worlds”, “Family”, “Crime and punishment”, “Psychology”, “Jewellery box”, “Grotesque”,
Estiloa Eskutitz estiloan idatzi behar da, gomendioa benetako eskutitzak bidaltzea litzateke, eta horrekin jokatu, baina gure kasuan Lemmy erabili beharko dugu horretarako. Eskutitz estiloan nori zuzenduta dagoen, agurrak etab. kontuan hartzea dakar. DATAk jartzea beharrazkoa hori bai, ildo guztia ondo jarraitzeko.
**Zeri buruz idatz daiteke? ** Ekidin behar dena da, bakoitzak bere istorioari buruz bakarrik idaztea, interakzioa sortzea eta eskutitz bat eta bestearen arteko erlazioak sortzeko aukera zabaldu behar da. Batzuetan jokalari bat izango da aktiboago, eta honek bere tentsiounea pasatzean, beste batek har dezake testigua. “De Profundisen” 28. orritik aurrera ikus daiteke adibide batzuk:
- The mythos around us.
- A mysterious event.
- Conspiracy theory.
- Thoughts, reflections, investigations.
- Research and experiments.
- Adventures.
- Letters from our travels.
- Family stories.
- Landscapes.
- Topics based on Book Two and Book Three.
- Normal Letters
Abiadura Korapilo edo argumentua denen artean sortzen doa, eta hau ondo egiteko lasaitasunez hartu beharreko zerbait da, luzerako eman dezake. Ikerketak ez dira egun batetik bestera egiten. Denbora hartzea garrantzizkoa da. Denon artean erabaki beharko genuke zein iruditzen zaigun abiadura egoki bat, lasaitasun eta sakontasun hau lortu batetik, eta jokoaren tentsioa ez behera joateko bestetik.
Pertsonaiaren barne-borrokak, metamorfosia Pertsonaiak ikerketa eta denbora pasa ahala aldatzen joango dira, eta gerta daiteke haien patua hiltzea izatea, zoratzea edo gehiago kontakturik ez izatea… honi buruz 38. iraku daiteke, “Final Letter” adibide batzuekin.
Eskutitzak idazteko modua: De Profundis-ek argi uzten du e-posta ez dela modu egokia, azkartasunagatik, tonuagatik etab. eskutitzak eskuz idatzi eta bidaltzea dela proposatutakoa. Bat idatzi, kopia bat zuk gorde eta bidali. Modu hontan, eskutitz bidezko jokoa da planteatzen dena. Gure kasuan, Lemmy erabiliz uste dut badugula aukera hori pixka bat hackeatzeko.
- Spoiler textua erabiliz, jar dezakegu bakoitzak nori idazten dion eskutitza. Eskutitza zuzendu zaion pertsonak/pertsonaiak bakarrik irakur lezake. Besteok, hasiera batean ez genuke irakurri behar.
- Norbaitek, jokua “kanpotik” jarraituko nahiko balu berriz dena irakur lezake, edo guk ere gure artean, norbaiti bidalitako eskutitza beste norbaitekin partekatu nahi ezkero, ba esan zein iraku dezakeen.
Kanpaina adibideak: 77.orrian Online jokatzen: 86.orrian
Çiçik Friedrich-i idatzia. 1920 ko Otsailak 13
Friedrich maitea:
Uste dut idazten dizudan azken gutuna dela. Badakit ezinezkoa dela zure erantzuna, eta hala ere berriro ezin izan diot eutsi nire fantasiaren mugei. Ez dut uste PTT Posta zerbitzuak aurretik bidalitako gutun guztiak inora entregatu dituenik, baina ez dizkit itzuli ezta ere eta horrek esperantza ematen dit. Zuk ez bada, beste inork, zoriaren zoriz, gure istorioa aurkituko duelakoan. Sophiak dio ez duela zentzurik, ez zaudela gehiago gure artean, eta joaten utzi beharko zintudala behingoz. Nola ukatu ordea nire begiek orain bi urte ikusi zutena? Ez nuen zalantzarik orduan eta ez dut orain ere, baina… hala ere nire ongizateagatik aurrera egin behar dut. Gutun hau beraz azkena da, Fournier anaien eskuetan utziko dut, zure mamuaren beldur dira ni baino gehiago. Gutxienez zor hori kobratuta utziko dut.
Paris uztear nago. Folies-Bergèrek ez nau gehiago maite. Nire azal zaharkituak jada ez du gaztaroan bezalako zirrararik eragiten, eta gerraren itzalak gizonen fantasiak lausotu ditu, euren galderak eta susmoak zanpatu. Ziurtasuna eta boterearen atzetik dabiltza, jada ez dute artea, poesia eta dantza maite, are gutxiago sekretuen hizketa edo sorginen ahotsa.
Adinak ere galdu nau ez dut ukatuko, Ameriketatik iritsitako emakume eder eta beltzaran batek hartu du antzerki eta dantzazaleen begirada guztia, Josephine Baker deitzen da. Zeruan izar berri bat nirea itzaltzen den bitartean. Edonola ezin naiz geratu nire erorketa ikustera, gainera iparralde honek nire hezurretan ahultzen nau.
Zugan pentsatuz aritu naizaldaketak datozela eta, urduri, ezinbestean, oroimenetan galduta. Zure esku habilek hainbatetan erakutsi didate eta benetako zirrara zer den, hainbeste faltan botatzen dudana. Ametsgaiztoak aldentzen laguntzen dit zure gogoak, inoiz baino estuago heltzen nautenean ere.
Ez nau nostalgiak bakarrik mugitu ordea. Gutun bat jaso dut. Gure taldeko lagun min batek idatzi berri nau hegoaldetik. Badakizu nork. Antza, Lore-Jolasa berpiztu nahi dute. Badakizu-nor-en ideia izanik, ziur lizunkerietan aritzeko aitzakia dela, eta etsaiak engainatzeko trikimailua ere, noski. Baina beldurtzen nau ni bezalako emakume baten gaitasunak zertarako behar dituzten galdetzeak. Susmo bat dut laztana. Nire SUSMO hoietako bat, ez dakit zer den oraindik. Adinaren gauzak agian, baina bada zerbait. Ezagutzen nauzu. Inork baino hobeto. Ezin zaio uko egin deiari. Gainera gauzak mugitzen ari dira bertan, ez dakit taldeko beste kideekin inor kontaktuan jarri den, baina… indar handiak… usaintzen ditut airean.
Edonola Sara-ra itzultzekoa naiz. Sophiak dio ez dagoela niretzat ezer bertan. Berak ez du ulertzen. Herriak deitzen nau. Lurrak. Agian ez da bidaia zuzena izango, ordea ekialdera detour txiki bat egin behar dut. Arriskutsua bada ere.
Beti botako zaitut faltan, baina ez dizut permisurik eskatuko laztana, badakizu hori ere. Bizi zinela hasi nuen tradizio bat, alargun bezala mantenduko dudana.
Zure maitea betiko. C.C - Claudine Clauvel
Gustave Dauphinek Karl Otto Eberhearti idatzia, 1920ko otsailak 20
Tuvalu uharteak, 1920ko otsailak 20
Carl Otto Eberheart maitea,
Bitxi egiten zait pentsatzea hemen ortzimugan sartzen ikusten dudan eguzkia, ondoren, 15.000 kilometrotara, zure adatsak berotuko dituen hori bera izango dela. Eguzki izpiekin batera sentitzen ote dituzu gaur zurekin izan ditudan gogoetak?Nik bart pasa dudana baino gau hobea opa dizut. Pentsatzen dut ez zenuela nire gutunik espero, baina aspaldiko oroitzapenak ekarri dizkit gau ilun eta beroak. Eta ezinbestekoa izan da gu biok bizitako hura gogoratzea.
Oraindik ez dut gehiegi idatzi nahi ikusi genuen hortaz, baina ezin dut ukatu ametsek larritu nautela. Bizitakoa gori-gorian utzi didan amesgaiztoa izan dut, eta ezin diot pentsatzeari utzi ametsa baino, abisu bat izan dela gaurkoa. Besterik ez, oraingoz. Aurrerago berri hobeak ekarriko dizkizudalaren esperantzetan.
Adeitasunez,
Gustave Dauphine
P.D.: Azken alarma moduan, hemen uzten dizut Tuvaluko biztanleek atean marrazten duten irudi hau. Orient Expressean hainbat alditan ikusi genuen aztarna horren antza hartzen al diozu zuk ere bai? Amets goxoak izan, adiskide.