Literatura
!literatuta
help-circle
rss

Zein liburu sartuko duzu maletan oporretara joateko?
Eta oporretan ez bazoaz eta maletarik behar ez baduzu, zein liburu irakurri nahi duzu udan?

Kaixo, Lemmytarrok: Datorren asteko asteartean, hilak 22 arratsaldeko 18:30tan, Elegose irakurle taldearen lehen liburu-tertulia antolatu dugu. Animatuko zarete gurekin elkartzera?
2

E-liburuak euskaraz
Kaino lagunak! Atzerrian bizi naiz aspaldidanik eta oso atsegin dut nire e-readerrean irakurtzea. Euskal literatura ere bertan irakurri nahiko nuke, baina booktegi.eus-en bakarrik aurkitu dut. Amazon-ek baditu liburuak euskaraz eta erosi hutsarekin nire Kindle-ean izango nituen arren, gurago dut euskal literatura euskal dendetan erostea. Elkar-en ere begiratu dut baina itxuraz ez dauka epub/mobi aukerarik. Ezagutzen duzue euskal e-liburuak erosteko beste on-line dendarik?
6

Joan den urteko abuztuan, pandemia betean, Xabier Olarra itzultzaileak Lander Majuelori eman zion euskarara ekarritako literaturan erreferentea den Igela argitaletxearen erreleboa hogeita hamar urte baino gehiagoren ostean. Aitzakia horrekin ARGIA.eus-en elkarrizketa interesgarri bat egin diete.

Wattpad Eredua
Gorka Julioren zutabea, BERRIAn argitaratua, Wattpaderi buruzkoa. 'Wattpadek sare sozial gehienen egitura oso antzekoa jarraitzen du. Erregistratu ondoren, profil propioa sortu eta informazio orokorra, zure lanak eta irakurketa zerrenda ikusiko dituzu. Irakurle eta idazle (hasiberriak normalean) harremanetan jartzea da bere helburua.' https://www.berria.eus/paperekoa/1877/030/002/2021-03-06/wattpad-eredua.htm
3

Kropotkin 100 urte
2021an 100 urte bete dira Piotr Kropotkin geografo eta pentsalari anarkokomunista hil zela. Pixelfed.eus bilduma honetan bere pentsamendua ulertzeko zenbait liburu gehituko ditut.

Animatzen zarete Hilbeltza bekarekin idatzitako Miren Gorrotxategiren, Sotoan gordeak liburua irakurtzera?

Non biziko zinateke?
Orain irakurtzen ari zaren liburuan biziko bazina, non biziko zinateke? Ni Obaban.

Jolastuko gara elkarrekin?
Hurrengoa egin behar da: - Hartu euskaraz irakurri duzun azken liburua edo orain irakurtzen ari zaren liburua. - Ireki 57. orrialdean. - Iruzkindu bidalketa hau laugarren paragrafoko lehen esaldiarekin. Ea asmatzen dugun zein den! (Egunean behin aplikazioan 10/10 egitea baino zailagoa izango da, baina tira... esperimentu gisa, edo).

Komiki gomendagarriak
Merezi duten nobela grafiko edo komikiak aipatzeko gunea.

Eulien bazka (Hasier Etxeberria 2003, Susa)
Kontuz, spoiler arriskua 😄 Gustatu zait nola hitz egiten duen intsektuei buruz eta Euskal Herriko kontuei buruz. Donostian kokatuta dago istorioa, Hendaiarantz begira. Pertsonaia kopurua erraza izan da niretzat kudeatzeko, ez naiz galduta ibili nor-zen-nor oroitu nahian, ondo ezagutzen nuen bakoitza (ondo deskribatuta zegoen seinale). Gogorra da irakurketa, hasieratik oso gai serioa tarteko, gero bigarren plano batean geratzen da protagonistaren minbizia, kontakizunaren oinarrian bezala, gertakari zirraragarriei hutsaltasun bat eraginez (total, ze axola du guztiak...). Nobelaren amaieran bukaera pare bat asmatzeko aukera ematen zidan tramak. Ez da gertatu ez bat eta ez beste 🤣 Deseroso sentitu naiz hasieratik, gizontasun tipiko bat oso markatuta deskribatzen duelako, gizon guztientzat, baita biologizista jarriz ere tarteka. "Zergatik ote gara gizonok beti honelakoak", edo "emakumeak halakoak". Ez dakit protagonistaren ikuspegia, narratzailearenak edo idazlearena den. Liburu osoan zehar jarraitu du horrela, baina tira. Gomendatzen dut irakurtzea. Bestela ez nuen hemen iruzkina sortuko! Beste norbaitek irakurri badu, gustura irakurriko nituzke bere iruzkinak!

2020an irakurri dudan libururik onena hauxe da...
Bada, aurten irakurri duzun libururik onena gomendatu beharko bazenit (ez du zertan 2020an argitaratuta egon behar), zein izango litzateke? Ni neu hasiko naiz: Gizona bere bakardadean, Bernardo Atxaga

Abenduan elkarrekin irakurtzeko proposamena
[Elegose irakurle taldea](https://mastodon.eus/@elegose), Mastodon.eus-en kokatzen den irakurle talde bat da. Irakurle talde honen helburua hilero liburu bat hautatzea, bakoitzak bere aldetik irakurtzea eta hilean zehar kideen artean komentatzea da. **Abenduan irakurriko dugun liburua aukeratzen ari gara eta hauek dira aukerak:** - [Turista klasea, Kattalin Miner](http://susa-literatura.eus/liburuak/narr136). - [Hiru geltoki lurrun, Galder Perez](http://www.susa-literatura.eus/liburuak/ganb06). Zergatik ez zara animatzen geurekin batera irakurtzera? [Bete inkesta](https://framadate.org/ENrZ61CLxATeeydj), eta lagundu irakurgaia aukeratzen.

Elegose Fedibertsoan elkartzen den irakurketa talde irekia da. Hilero euskarazko liburu bat hautatu, irakurri eta komentatzen dugu. Informazio gehiago aurkituko duzue mastodon.eus-eko profilean eta baita hemen ere [https://laborategia.eus/elegose/](https://laborategia.eus/elegose/). Elkartu geurera!!! Egunotan abenduko irakurketa zein izango den erabakitzen ari gara eta!

Literatura euskaraz gozatu nahi dugun horientzako komunitate gozoa eta bizigarria :)

  • 0 users online
  • 1 user / day
  • 1 user / week
  • 1 user / month
  • 1 user / 6 months
  • 28 subscribers
  • 21 Posts
  • 89 Comments
  • Modlog