Amaman madalenak
plus-square
image
5
image
Amaman madalenak
plus-square

Amaman madalenak

30-40 madalena

Osagaiak

katilu bete = 200ml (ohiko edalontzi bete bat)

  • Liho salda (2 goilarakada liho-hazi ta 6 goilarakada ur; 20 minutu beratzen)
  • 2 katilu t’erdi azukre
  • 2 katilu esne begetal
  • Katilu t’erdi olio
  • 4 katilu irin
  • 2 goilaratxokada legami kimiko

Madalenen osagaiak

Prozedura

Nahasketa

  1. Edukiontzi haundi batian jarri liho-salda
  2. Gehitu azukrea eta ondo nahastu
  3. Gehitu esnea eta nahastu disolbatu arte
  4. Gehitu olioa eta ganoraz nahastu
  5. Gehitu hirina eta legamia bahetuta (tamizatuta) eta nahastu pikorrik ez egon arte

Madalenen nahasketa

Laberatu

  1. Labea 200°C-tara berotzen jarri, ahal izanez gero haizegailua ta behetiko plakarekin
  2. Nahasketa moldeetan jarri Madalenak moldeetan, gordinik
  3. Labea tenperaturara ailegatzean, madalenak bertan sartu
  4. Madalenak prest eongo dia trikotatzeko orratza ziztatu ta orratza erabat garbi ateatzean (20-25 bat minutu)

Onein!

Madalenak moldeetan, sukaldatuta

@mikelgs
admin
25M

Egin dugu!

Igandea denez etxean genuenarekin moldatu gara: behi esnea, begetala beharrean; azukrea panela, eta bi katilu bakarrik; txokolate pipitak ere gehitu ditugu.

Ontzi txikiak 20-25 minututan prest zeuden. Erabili behar izan dugun ontzi handiak (atera sartu pare batekin mareatu dugu…) ia 40 minutu eman ditu labean azkenean.

Egia esan harritu egin gara zeinen azkar prestatzen den. Gosaldu aurretik lihoa uretan jarri dugu. Gosaldu ondoren osagaiak elkartu eta labean sartuta uzteko 25 minutu bakarrik behar izan dugu.

Eskerrik asko! Igande goizerako plan gomendagarria!

@Porru
mod
admin
creator
15M

<3 !!
Ze itxura goxua! Asko pozteit errezeta zabaltzea ta gustoko izatea :)

Txokolate-pipitena ideia bikaina

Miren
15M

Eta 20 minutu beratzen utzi, eta loditutako ura erabiltzen da, haziak kenduta? Ondo dago jakitea!

@Porru
mod
admin
creator
15M

Nik haziak ere erabilita in det beti :)
Haziak ez dia batere desatseginak ahoan; gañea kakarazleak dia jijiji

Beste aukera bat hasieratik haziak txikitu ta hauts bihurtzea da, gero ura gehitu ta hazirik ez aurkitzeko salda hortan.

@Txopi
admin
15M

Errezeta landua alajaina. Eskerrik asko!

@Porru
mod
admin
creator
05M

Eta goxua! Lehengoan arrautza ordez, janari gozoetako, liho salda hoi oso aproposa dala jakin genun etxian ta amaman errezeta hartu ta moldatu genun, bikaina!

Landare eta onddoz egindako errezetak partekatzeko komunitatea, baita gomendio eta esperientziak zabaltzeko ere

Arauak

  • Tratatu besteak errespetuz
  • Ez partekatu animali jatorrizko osagaiak (haragia, esnekiak, arrautzak, eztia…) dituzten errezetak
    Ez badakizu nola moldatu errezeta bat, sortu bidalketa bat laguntza eskatzen :)

Errezetak

  • 0 users online
  • 3 users / day
  • 3 users / week
  • 3 users / month
  • 9 users / 6 months
  • 18 subscribers
  • 8 Posts
  • 13 Comments
  • Modlog