Aldaketa nagusiak: - **Hizkuntza etiketak**: Bidalketa eta iruzkinak ze hizkuntzatan dauden etiketatzeko aukera. Etiketa hauek edukia iragazteko erabili daitezke. Instantzia eta komunitateek onartutako hizkuntzak zehaztu ditzakete. Etorkizunean itzulpen tresnak integratzeko aukera emango du. - **Iruzkin zuhaitzak**: Lemmyk iruzkinak gordetzen dituen modua aldatu da, bistaratutako iruzkinak sakonera maximo bat arte mugatu ahal izateko. - **Nabarmendutako bidalketak eta iruzkinak**: Administratzaileek eta moderatzaileek bidalketak nabarmendu ditzakete hasierako orriaren edo komunitateen goiko aldean. Moderatzaileek iruzkinak ere nabarmendu ditzakete bidalketetan. - **Federazioa** - Orain arte komunitateak soilik jarraitu zitezkeen Fedibertsoko beste plataformetatik, baina bertsio berri honetan Lemmyko erabiltzaileak ere jarraitu daitezke, adibidez, Mastodonetik. - Botoak pribatu bezala federatzen dira. Horri esker beste plataformetan ez da agertuko nork eman dion botoa bidalketa bati. Lemmyk Mastodoneko botoak kontuan hartzen ditu (gogokoak). - Pleromarekin bateragarritasuna hobetu da. - Federazioaren logika liburutegi batera atera dute garatzaileek. Software librea denez beste proiektuetan ere erabili ahal izango dute, gurpila berriz asmatzen ibili gabe. - **Aldaketa gehiago** - Bidalketa bakoitzean irakurri gabeko iruzkin kopurua bistaratzen da. - Lemmyk automatikoki kapsulatzen ditu PeerTube, YouTube eta Opengraph atributua eskaintzen duten beste webguneetako edukiak. - Mezu pribatuak salatu daitezke. Ezaugarri berri eta zuzenketa gehiago daude. Zerrenda osoa Lemmyren Githubeko orrian irakur dezakezue, ingelesez. Berrikuntza gehienak v0.17.0 bertsioan daude: https://github.com/LemmyNet/lemmy/blob/main/RELEASES.md#lemmy-v0170-release-2023-01-31 v0.17.1 eta v0.17.2 zuzenketak egiteko atera dituzte garatzaileek: https://github.com/LemmyNet/lemmy/blob/main/RELEASES.md#lemmy-v0171-release-2023-02-03 https://github.com/LemmyNet/lemmy/blob/main/RELEASES.md#lemmy-v0172-release-2023-02-22

Erroreak zuzentzeko bertsioa da. Ez dago aldaketa handirik. [EN] Hemen duzue garatzaileek egindako zuzenketen zerrenda: https://join-lemmy.org/news/2022-09-14-_Lemmy_Release_v0.16.7_-_Bug_fixes

Erroreak zuzentzeko bertsioa da. Ez dago aldaketa handirik. [EN] Hemen duzue garatzaileek egindako zuzenketen zerrenda: https://join-lemmy.org/news/2022-07-19_-_Lemmy_Release_v0.16.6_-_A_few_bug_fixes

Berrikuntza nagusiak: * Lemmyk Peertuberekin federatu dezake orain! Peertubeko kanalak jarraitu ditzakezu Lemmytik eta bideoetan iruzkinak egin. Kontuan izan Peertubek v4.2.0-rc 1 bertsioa edo berriagoa izan behar duela. * Rust APIa. Rust erabiliz Lemmyrekin elkarrekintzak dituen aplikazio bat garatu nahi baduzu, orain askoz errazagoa izango duzu. * Beste hainbat zuzenketa eta hobekuntza. [EN] Berrikuntzen zerrenda osoa: https://github.com/LemmyNet/lemmy/blob/main/RELEASES.md#lemmy-v0164-release--peertube-federation-rust-api-and-other-improvements-2022-05-27

Berritasun nagusiak: * Administratzaileentzat Lemmy instantzia pertsonalizatzeko erraztasunak. Itxura berriak erraz gehitu daitezke. [Itxura berriak nola garatu Lemmyren dokumentazioan](https://join-lemmy.org/docs/en/client_development/theming.html) azaltzen dute (ingelesez). * Fedibertsoko bestelako instantziekiko (Mastodon, Pleroma, Friendica, lotide...) federazioan hobekuntzak. * Kanporatze federatuak. * Administratzaileek komunitateak ezkutatzeko aukera. Kanporatzea baino neurri leunagoa. Informazioaren xehetasunak (ingelesez) https://lemmy.ml/post/188424

Federazioarekin zegoen arazo garrantzitsu bat konpontzen du. Hemen garatzaileen azalpenak (ingelesez) https://lemmy.ml/post/184152

Hemendik gurutzatua https://lemmy.eus/post/20810

Azken eguneraketaz geroztik arazo tekniko batzuk izan ditugu eta une batzuetan zerbitzua ez da erabilgarri egon. Ea eguneratze honekin egoerak hobera egiten duen. [ENG] Berrikuntzak: https://github.com/LemmyNet/lemmy/blob/main/RELEASES.md#lemmy-v0152-release-2022-01-27

hemendik modu gurutzatuan argitaratua: https://lemmy.ml/post/156587 > Available on Izzyondroid

[ENG] Berrikuntzak: https://github.com/LemmyNet/lemmy/blob/main/RELEASES.md#lemmy-v0151-release-2022-01-12

Ustezko dilema, noski, Iñigo Urkulluk aukera bi hauen artean oso argi baitauka zer aukeratu.

Xehetasunak (ingelesez) https://lemmy.ml/post/89740

Hemen duzue berrikuntza eta aldaketen zerrenda (ingelesez) https://lemmy.ml/post/83611 OHARRA: Kontuan izan garatzaileek egin duten aldaketa baten ondorioz saioa berriz hasi beharko duzuela.

Hemen duzue berrikuntza eta aldaketen zerrenda (ingelesez) https://lemmy.ml/post/79510

Hemen ikus ditzakezue berrikuntza eta aldaketak [ENG] https://lemmy.ml/post/75818

Administratzaileok webguneko [parte-hartze arauetan](https://kaixo.lemmy.eus/edukiak/netiketa/) ondoko hau gehitu dugu: > 10.5. **Pornografia**. Biluztasuna, pornografia eta eduki sexual esplizitua ez dira onartzen, artisten irudikapenak barne. Talde irekia garenez, neurri honen egokitasunaren inguruan eztabaida sustatu nahi dugu, hausnarketari lekua egin. Zein da zure iritzia aldaketa honi dagokionez?

Lurraren, landareen eta naturaren zaintzaz eta ezagutzaz idazteko txokoa. + Nola zaindu? + Nola erabili sendabelarrak eta beste landareak gure bizitzetan? + Nola ezberdindu espezieak? Beste izakiekiko errespetuz jokatu.

Hemen ikus dezakezue berrikuntzen zerrenda: https://lemmy.ml/post/61856 (ingelesez)

Hemen irakur ditzakezue berrikuntza nagusiak (ingelesez) https://lemmy.ml/post/59433

Aurtengo martxoaren 9tik 10erako gauean sute bat egon zen lemmy.eus webgunea ostatatua dagoen datu-zentroan, Estrasburgoko OVHren eraikinean. Horrek sortutako mantenu eta berregituratze lanak zirela eta, zerbitzariak itzalita egon dira aste eta erdi inguruz; horregatik utzi zion lemmy.eus webguneak funtzionatzeari bitartean. **Zorionez lemmy.eus berriz martxan da eta ez da daturik erre!** Orain babeskopiei are garrantzi handiagoa eman diegu beste datu-zentro batean gordez, Gravelineskoan. ___ Burujabetzaren alde, Euskal Herrian datu-zentro berdinzalerik ezagutzen duzuen jakin nahi dugu, datuak bertara mugitzea baloratzeko. **Ongi etorri bueltan guztioi!!**

Lemmy v0.9.9 bertsioaren ezaugarri berriak hemen irakur ditzakezue (ingelesez) https://github.com/LemmyNet/lemmy/blob/main/RELEASES.md#lemmy-v099-release-2021-02-19 Dirudienez beste instantziekin dugun federazioarekin arazo bat daukagu. Ea bertsio berrira pasatzean konpontzen den.

Euskarazko wikipedian orria sortu diote Lemmy softwareari. Ze ondo!!

Kaixo lemitar txit agurgarri hori! Agian dagoeneko konturatuko zinen, Lemmy.eus-en federazioa martxan jarri dugu! Zer esan nahi du honek? Lemmy.eus fedibertsoaren parte den heinean, aukera daukagula gure instantziatik kanpo dauden edukietara harpidetzeko (beti ere, federatutako instantzia horiek gure arauak betetzen badituzte) eta bertan parte hartzeko (adibidez, gure lemmy.eus erabiltzailearekin kanpoko edukiak bozkatzeko edo iruzkintzeko). Hiru fitxa ikusiko dituzu lemmy.eus-en hasiera orrian: Harpidetuta, Lokala eta Guztiak. - Lokala fitxan, lemmy.eus-eko edukiak ikusten dira, hau da, gure instantziako komunitate guztiek sortzen dituzten edukiak (euskaraz). - Guztiak fitxan, lemmy.eus-eko edukiak eta federatuta gauden beste Lemmy instantzia batzuen edukiak ikusten dira (ingelesez eta abar). - Harpidetu fitxan, zure erabiltzailearekin harpidetu zaren komunitateen edukiak bakarrik ikusiko dituzu. Denak lemmy.eus-ekoak badira, denak euskaraz. Beste instantziaren bateko komunitateren batera harpidetu bazara, dagokion hizkuntzan. [Komunitateen zerrendari](https://lemmy.eus/communities) begirada bat botatzea eta zure harpidetzak berrikustea gomendatzen dizugu, Harpidetu fitxarekin besteekin ikus dezakezuna zure gustura iragazi baitezakezu. Webgunearen goiko aldean zure izena agertzen den lekuan klik eginez gero, zure ezarpenak aldatu ditzakezu. *Ordena-mota* eremuak aipatutako 3 aukerak ditu eta lemmy.eus-era sartzen zaren bakoitzean lehenetsita zein fitxa ikusiko duzun ezartzen du. Adibidez, euskarazko eduki lokalak bakarrik ikusi nahi badituzu, zure ezarpenetan Lokala aukeratu dezakezu; era horretan, zuk espresuki aukeratu ezean ez dituzu kanpoko edukiak ikusiko. Egin probak eta gozatu! Edonolako zalantzarik baduzu egin iruzkin bat hemen edo sortu bidalketatxo bat [Lemmy.eus laguntza](https://lemmy.eus/c/lemmyeus_laguntza) komunitatean. Federazioa zure interesekoa izatea espero dugu :slightly smiling face: Agur t'erdi. Informazio gehiago: - [Zer da fedibertsioa](https://kaixo.lemmy.eus/#fedibertsoa) - [Komunitateetara harpidetu](https://kaixo.lemmy.eus/edukiak/hasi/#komunitateetara-harpidetu)

Ez dakit konturatu zareten, baina Lemmy.eus instantzian ezin genituen epostak bidali, adibidez, pasahitza ahaztean pasahitz berria berrezartzeko. Hasiera batean spam zerrenda batean geundelako zela uste genuen, baina azkenean arazoaren jatorria konfigurazioan zegoela aurkitu dugu. Arazoa konponduta, berriz ere behar bezala bidaltzen ditu epostak gure instantziak. Barkatu eragozpenak!

Bidalketa honetan lemmy.eus aipatzen duten albisteak, elkarrizketak... biltzea ideia ona izan daiteke.

Hauek, euskarazko foro horizontal eta libreak dituzu. Webgune hau **gaika antolatuta** dago, komunitateka. Komunitate bakoitzak albisteak, galderak eta eztabaidak partekatzen ditu. Zuri interesatzen zaizun gaia falta bada, **sortu zure komunitatea!** Webgune hau zer den eta nola erabiltzen den hobeto ezagutzeko bisitatu [kaixo.lemmy.eus](https://kaixo.lemmy.eus/).